Mchuzi wa vitunguu maji

Chukua sufuria kubwa lenye mafuta ya kupikia na uliweke kwenye jiko lenye moto wa wastani, kisha acha mafuta yapate moto. Weka kwenye hilo sufuria, binzari nyembamba pamoja na vikombe 5 vya vitunguu maji, kisha kaanga huku ukikoroga mara kwa mara kwa muda wa dakika 5 mpaka 7, au hadi utakapo ona vimebadilika rangi na kuwa na rangi ya kahawia.

Weka nyanya, vikombe 3 vya vitunguu maji vilivyobaki, chumvi, pamoja na binzari ya manjano, kisha pika mchanganyiko huo huku ukikoroga mara kwa mara kwa muda wa dakika 5 mpaka 7, au hadi utakapo ona nyanya zimeiva.

Mimina maji halafu koroga vizuri, kisha weka moto mkubwa na uache ichemke.

Ukiona imeanza kuchemka, punguza moto na uweke moto mdogo, kisha funika sufuria na uache iendelee kuchemka kwa muda wa dakika 5 mpaka 7.

Ongeza moto na uweke moto mkubwa. Mimina mtindi taratibu huku ukikoroga, kisha acha ichemke kwa muda wa dakika 10, au hadi utakapo ona mchuzi umekuwa mzito.

Weka majani ya giligilani halafu koroga vizuri, kisha acha ichemke kwa muda wa dakika 3 zaidi, au hadi utakapo ona majani hayo yamenyauka. Epua na upakue kwenye chombo safi, tayari kwa kula.